17.11.2018

Селото Вељуса се наоѓа во југоисточниот дел на  Република Македонија, односно во северозападниот дел на Струмица. Ова типично рурално место е сместено во подножјето на планината Еленица на само 11 км од Струмица. Селото Вељуса има многу долга и богата историска традиција уште од најраните древни времиња, а особено со изградбата на познатиот Вељушки манастир посветен на Пресвета Богородица Елеуса (Милостива) во раниот Среден век во 1080 година (XI век) од каде селото го добило и своето денешно име. Постоењето на овој голем, значаени и знаменит манастир, влијаело Вељуса да се развива и опстојува како многу голема и значајна населба со бројно население и разни значајни установи. 

Селото Водоча се наоѓа во Струмичкото Поле, на реката Водочница во југоисточниот дел на Република Македонија. Оваа историски значајна населба се наоѓа речиси во средишниот дел на територијата на Општина Струмица, односно недалеку северозападно од градот Струмица  на оддалеченост од 5 километри, поради што тоа припаѓа во рурбалната зона на централното место Струмица.  Во почетокот на 9 век, за време на византискиот император Никифор I во Струмичко било населено христијанско население од градот Тибериопол кој се наоѓал во областа Витинија во Мала Азија. Во ова време во селото, запишано како Водица живееле 84 македонски христијански семејства.

На самиот пат кој води до селото Смолари и неодоливите Смоларски водопади, во подножјето на недопрената природа на Беласица се наоѓа комлексот Лебедово Езеро. На влезот ќе ве дочекаат љубезните домаќини, а мирисот на прекрасната македонска кујна подготвена од врвни мајстори ќе ве натера да ја пробате. 
 
Опис на патувањето:
Тргнување од паркинг кај Вип Хотел, наспроти Скопски Саем, во 07:00 часот (собирање на група 06:45 ч.)
Предвидено време за пристигнување во Водоча до 10 часот 
Посета и разглед на манастирот во Вељуса
Посета на комплексот Лебедово езеро, пауза за ручек
Во 17:00 часот тргнување кон Скопје
 
Понудата вклучува:
Посета на манастирот во Водоча
Посета на манастирот во Вељуса
Превоз на наведените локации
Организација и водство на патувањето

Во цената не е вклучен ручекот во комплексот Лебедово езеро кој е факултативен. 


 
Цена: 600  денари од лице