06.06-07.06.2026

СВЕТА ГОРА – АТОС

Света Гора, официјално позната како Автономна монашка држава Света Гора, претставува посебна автономна област сместена на третиот крак од полуостровот Халкидики, во Грција. Таа е еден од најзначајните духовни и православни центри во светот, со богата историја и вековна монашка традиција.Името Света Гора, или Атос, воедно се однесува и на планината што се издига на полуостровот, по која и самата монашка држава го добила своето име.Според грчкиот устав, Света Гора има статус на политичка самоуправа составена од 20 главни манастири, кои заеднички ја сочинуваат оваа уникатна монашка заедница.Во духовна смисла, Света Гора се наоѓа под директна јурисдикција на Вселенскиот патријарх во Цариград, што дополнително ја нагласува нејзината посебна улога во православниот свет.

ОПИС НА ПАТУВАЊЕТО

  • Поаѓање во 00:00 часот,  собирање на група во 23:45 часот од паркинг пред Пошта на Железничка. Следува ноќно патување преку граничниот премин Богородица, со попатни паузи за царински формалности и одмор. Пристигнување во Уранополис во утринските часови. Слободно време за кафе и одмор покрај морскиот брег. Околу 10:00 часот, следува отпловување со брод и крстарење околу Света Гора (Атос), при што лиценциран водич на српски јазик ќе презентира информации за манастирите долж брегот. Враќање во Уранополис околу 13:00 часот, по што следува слободно време за прошетка, уживање во пријатната атмосфера на овој убав приморски град и можност за ручек во некој од локалните ресторани. Потоа се продолжува кон Манастир Каково, со можност за прошетка и разгледување на манастирскиот комплекс. По посетата, патувањето продолжува кон Ставрос. Сместување во приватни апартмани. Слободно време за индивидуални активности, прошетка низ местото и можност за вечера во бројните таверни покрај море. Ноќевање.
 
  • Следното утро, по напуштањето на апартманите, следува слободно време за уживање на плажа и релаксација покрај морето. Поаѓање кон Скопје е предвидено во  17:00 часот.
 
 

ПОНУДАТА ВКЛУЧУВА:

  • 1 ноќевање во приватни апартмани во Ставрос
  • Посета на манастирот Каково
  • Превоз на наведената релација
  • Организација и водство на патувањето


ПОНУДАТА НЕ ВКЛУЧУВА:

  • Индивидуални трошоци
  • Влезници за културно-историски споменици
  • Бродска карта (20 € – се плаќа во автобус)

ЦЕНА: 3.600 денари



* НАПОМЕНА; Распоредот за седење во автобус се прави според датумот на уплата. За избор на седиште се наплаќа 300 денари за патувања во Македонија, 600 денари за патувања во странство.