Св.Јован Бигорски, Рајчица. Вевчани, Калишта
02.03.2025
Еден ден дозволете си да уживате во прекрасните предели на Националниот парк Маврово. Од самото навлегување во него па се до Бигорски манастир ќе не прати чудниот тек на реката Радика, која прекрасно го издлабила својот кањон. Со самото пристигнување во Бигорски манастир ќе може да уживаме во мирот на истиот. Мирот во кој што се наоѓа на момент ќе го прекине ѕвонењето на манастирската камбана. Нејзиниот ѕвук ќе ни одзвонува во ушите се до женскиот манастир-Рајчица. Сместен е над самото Дебарско езеро, недалеку од регионалниот пат кој води кон Дебар. Овој манастир на дланка ќе ви ја понуди цела своја убавина која е испреплетена со нежните раце на монахините кои токму тука вредно ги изработуваат митрите. ... Импресионирани од сите убавини кои ќе ги видиме до тука, патувањето ќе го продолжиме кон нашата следна дестинација, Вевчани. Покрај самата убавина на Дебарско езеро, а неколку километри подоцна и покрај убавините на езерото Глобочица ќе завлеземе во самопрогласената држава Вевчани. Вевчански пасош, вевчански извори, вевчански карневал, ќе ни бидат главни теми за разговор, секако заедно со некоја чаша ракија и вкусна храна во некој од домаќинските ресторани во Вевчани. Пред самото заоѓање на сонцето ќе може да уживаме во сончевите зраци кои го осветлуваат Охридското езеро. Покрај самото езеро сокриен од градската врева се наоѓа манастирот Калишта. Освен што во себе ја крие убавината, истиот ја крие единствената икона каде Богородица е насликана во црно.
За крај од ова патување ви гарантираме дека ќе се вратите со импресии и восхитување кое уште долго ќе го раскажувате. . Ве очекуваме
Опис на патувањето:
- Тргнување од паркинг пред Пошта на железничка, во 07:30 часот (собирање на група 07:15 ч.)
- Предвидено време за пристигнување во Св. Јован Бигорски до 9 часот.Слободно време за посета и раглед на манастирот.
- Посета и разглед на манастирот Рајчица
- Посета на Вевчани и Вевчански извори
- Слободно време за факултативен ручек во Вевчани
- Посета на Калишки манастир
- Во 18:00 часот тргнување кон Скопје
Понудата вклучува:
- Посета на Св. Јован Бигорски
- Посета на манастирот Рајчица
- Посета на Вевчански извори
- Посета на Калишки манастир
Понудата не вклучува:
- Индивидуални трошоци.
- Влезници за културно историски споменици
Цена:1000 денари