Златибор е планина а воедно и природен парк кој се наоѓа во Србија и истиот има површина од 1000 километри квадратни. Златибор е познато летувалиште и место за зимување како и за одмор во секој период од годината. Златибор се наоѓа во северниот дел од областа Стари Влах. Златибор по се е најактуелна и најатрактивна планина во Србија. Тешко кој може да му одолее на Златибор. Еднаш кога ќе го посетите неговата убавина ќе ве натера повторно и повторно да му се враќате. 

Музеј на отворено "Старо село"-Сирогојно е етно село кое се состои од 40 стари куќи донесени од сите страни на Златибор. Ова етно село е изградено 1979 година и истото зафаќа површина од 4.5 хектари. Заедно со црквата посветена на Св. Апостоли Петар и Павле претставува една културно-историска целина. Музејот го сочинуваат две целини. Во првата спаѓаат многу куќи кои го сочувале својот првобитен изглед и намена. А другата целина се куќи кои го зачувале својот првобитен изглед, но намената не им е иста, и истите се адаптирани и прилагодени за туристички потреби. 

Дрвенград е изграден по замислата на филмскиот режисер Емир Кустурица за потребите на филмот "Животот е чудо". Истото е сместено помеѓу две српски планини Златибор и Тара.Улиците во селото Дрвенград ги носат имињата на познати личности од културата и науката. Главната улица го носи името на српскиот нобеловец Иво Андриќ, а постои и улица на кубанскиот револуционер Ернесто Че Гевара. Една улица го носи и името на еден од најдобрите тенисери во светот Новак Ѓоковиќ. 


Опис на програмата:
Тргнување во 22:00 (на 08.11-петок)  (собирање на група во 21:45 од паркинг наспорти скопски саем, кај Хотел Вип). Ноќно возење со попатни паузи за одмор и царински формалности. Предвидено време за пристигнува до 09:00 часот. Посета на Дрвенград. По посетата групата се упатува кон Златибор. Слободно време за прошетка и разглед на Златибор. По посетата на Златибор групата се упатувa кон посета на етно село Сирогојно. Предвидено време за враќање во Скопје во вечерните часови. 


Понудата вклучува:
Превоз на дадената релација
Организација и водство на патувањето.​
  • Посета на Златибор

Понудата не вклучува:
  • Влезница за Дрвенград 300 динари 
  • Влезница Сирогојно 150 динари 

ОПШТИ НАПОМЕНИ:
  • Организатор на патувањето е Мтс Травел Сервис.
  • Во случај на недоволен број на пријавени патници, организаторот го задржува правото да го откаже во целост аранжманот 3 дена пред датумот на започнување на истиот.
  • Организаторот го задржува правото да ја промени цената на аранжманот во случај на промена на цената на превозот или хотелот. 
  • Организаторот го задржува правото за промена на цените на факултативните излети, во случај на промена на цената на влезниците на локалитетите и музеите.
  • Организаторот го задржува правото за промена на редоследот на реализација на програмата.
  • Организаторот на патувањето го задржува правото за промена на програмата за патување во случај на непредвидени објективни причини, како на пример, задржување на граница, гужва во сообраќајот, затвореност на некој од локалитетите предвиден за посета и слично.
  • За неисправна патна исправа, задоцнување, загубен багаж и откажување на патувањето или промена, агенцијата не одговара и не надокнадува материјална одштета.

Цена:1400 денари 
 Во цената не е вклучено патничко осигурување.